١. اختار شي عندك شغف او فضول عنه، او راح يفيدك بحياتك
٢. اختار تحدي خارج المهام الي انت اصلاً ملتزم بيها
٣. التحدي لازم يكون شي بي تقدم واضح
لازم تكدر تشوف وتقيس تطورك خلال الـ٢٩ يوم.
أمثلة تحديات واضحة التقدم:
- ✅ حفظ ٥ كلمات جديدة بالانكليزي يومياً
- ✅ رسم رسمة واحدة يومياً
- ✅ ركض ١٥-٢٠ دقيقة يومياً
- ✅ تمرين عزف ٣٠ دقيقة يومياً على الگيتار
- ✅ قراءة ١٠ صفحات يومياً
- ✅ انشاء فيديو قصير (ريلز او تيك توك) كل يومين
أمثلة تحديات صعبة القياس:
- ❌ “اكون شخص احسن” - واسع جداً وصعب تقيسه
- ❌ “اتعلم الفلسفة” - بدون هدف محدد
- ⚠️ “احسن صحتي” - افضل لو تحدده اكثر: “امارس رياضة ١٥ دقيقة يومياً”
٤. الأهداف لازم تكون واقعية ويمكن انجازها خلال ٢٩ يوم
خل توقعاتك واقعية. ٢٩ يوم كافية لبناء اساس قوي، بس مو كافية تصير محترف.
أمثلة:
- ✅ واقعي: “اتعلم اساسيات البرمجة واسوي ٣ مشاريع بسيطة”
- ❌ غير واقعي: “اصير مبرمج محترف واشتغل بشركة كبيرة”
- ✅ واقعي: “اركض ٣ كيلومتر بدون توقف”
- ❌ غير واقعي: “اركض ماراثون كامل (٤٢ كم)”
- ✅ واقعي: “اعزف ٣ اغاني بسيطة على العود”
- ❌ غير واقعي: “اصير عازف محترف”